أهم خمسة أخطاء بديكور المنزل| نصائح ديكور

أهم (5) خمسة أخطاء بديكور المنزل| نصائح ديكور

هتكلم معاكم فى المقال دا عن أهم خمسة أخطاء بديكور المنزل وهجاوب على اهم الاسئلة وهى:

  • ماهو المقاس الصحيح للسجادة

  • كيفية اختيار السجادة لديكور المنزل

  • ماهو افضل وضع للستارة

  • كيفية اختيار الستائر بشكل جميل وانيق

  • اهمية الطاولة ومقاسها المناسب

  • المقاس الصح للستائر

  • أشكال اللوحات الجدارية ومقاستها المناسبة

  • كيفية تنسيق الفرش والاثاث فى الديكور والتصميم الداخلى

1-السجادة

مقاس السجادة لازم يبقي متجانس مع الفرش فخلى بالك مينفعش السجادة تبقي صغيرة اوى.

بعض الناس بتضع السجادة تحت الترابيزة (الطاولة) فقط ودا غلط .

طب ماهو المقاس المناسب للسجادة والوضع الصحيح للسجادة؟

للاجابة على السؤال دا لازم تعرف ان السجادة هيا اللي بتحدد الزونات والاستخدامات للفراغ الواحد متعدد الاستخدامات

فالمقاس الصحيح والافضل لديكور المنزل ان اقل حاجة ان الارجل الأمامية للكراسي والكنبة تكون فوق السجادة.

طب لو مش متوفر الحجم المطلوب للسجادة فى حالة المساحات الكبيرة ؟؟

ممكن تستخدم سجادتين جنب بعض بشرط انهم يكونوا نفس الخامة بنفس الألوان بنفس الشكل فتحس انهم سجادة واحدة.

2- الستائر

الستائر مهمة جدا فى ديكور المنزل ومقاس الستائر هو اللى بيظهر جمالها فلازم تعرف ان:

الستائر مش بتبدى من اول الشباك خليها تبتدى من السقف دائما ويفضل عمل بيت ستارة سواء من الجبس امبورد او من الكرانيش بيبقي شكلها حلو جدا.

الاستايل والنمط اللي بيستخدم فى ديكور المنزل كل ما بقي كلاسيكي وكل مايفضل ان الستائر تبقي طويلة على الارض.

3- الطاولة (الترابيزة)

لو الطاولة بعيدة عن أماكن الجلوس يبقي ملهاش لازمة لان كدا ملهاش استخدام فلابد ان الطاولة تكون قريبة من أماكن الجلوس

ولو المساحة كبيرة خلى الطاولة قريبة من الكنبة الرئيسية بالمكان وتستخدم طاولات جانبية بجوار الكراسى وباقى الفرش والاثاث.

المقاس الصحيح للطاولة (الترابيزة)

ان المسافة بين الكنبة والطاولة (الترابيزة) لا تقل عن 50 سم ولا تزيد عن 70 سم حتي يسهل استخدامها, كمان حجم الطاولة(الترابيزة) لازم يتناسب مع حجم الكنبة فيفضل ان يكون عرض الطاولة (الترابيزة) = 2/3 عرض الكنبة الرئيسية

4- اللوحات الجدارية

ويقصد بها اللوحات المعلقة على الحائط خلف الكنبة.

كتير بنروح المعارض ونشوف اثاث وفرش شكلة جميل جدا وعند وضعة بالمنزل الصورة بتتغير تماما وبتبقي مش زى ماحنا متخيلين ودا بيرجع لاسباب كتير منها ان المعارض بتبقي فرشة كويس ودرس كله شئ.

مقاس اللوحة لازم يتناسب مع حجم الكنبة فمينفعش تبقي الكنبة كبيرة وتحط خلفها لوحة صغيرة هتحس ان اللوحة دى ملزوقة وغير موفقة وافضل مقاس للوحة هو ان عرض اللوحة يبقي 3/4 عرض الكنبة وفى حالة عدم العثور على الحجم المطلوب يمكن عمل (art gallery) وهو عبارة عن مجموعة من اللوحات يتم دمجها مع بعض بطريقة معينة.

ليس فقط عرض اللوحات الجدارية هو المهم بل ارتفاعها ايضا مهم جدا فلازم تكون في مستوى النظر الصحيح وهو سنتر اللوحة يكون على ارتفاع 1.5 متر.

5- الفرش والاثاث

يفضل التنوع فى استخدام الفرش بلاش الفرش يبقي كلة طقم واحد نوع فية ممكن كرسين نوع والكنب نوع تانى, وكمان القماش المستخدم بلاش كلة يبقي نفس القماشة نوع فى استخدام القماش سواء فى المخدات او قماش الفرش والاثاث نفسة

شاهد الفيديو الان واحصل على شرح مفصل أكثر